【顧美華加盟旗下】謹記King Sir教誨唔遲到 馬浚偉:遲埋人哋嘅時間
舞台劇顧美華馬浚偉
馬浚偉同顧美華今日喺深水埗為下月舉行嘅11場舞台劇《生前約死後》宣傳,久未參與幕前演出嘅顧美華,坦言有壓力:「都瘦咗4、5磅,依家每星期排5日,日日都無遲到o架。」馬浚偉話自己咁多年從不遲到:「鍾景輝King Sir教嘅,因為遲到係遲埋人哋啲時間,最好早到15至30分鐘。」佢透露舞台劇反應好好,早前仲有廣告客戶特別包場,邀請香港防癌會嘅朋友欣賞。
馬浚偉又指已邀請顧美華加盟旗下:「佢簽嘅約係冇年期嘅,不過我會搵啲佢想接嘅工作先接,唔好太辛苦嘅,接下廣告。下年我哋有啲電影,會搵阿媽(顧美華)做啲又過癮又有發揮嘅角色。」
提到好友蕭定一旗下HMV蝕10多億清盤,馬浚偉話:「識咗佢25年,感情幾好,我都有問候佢,佢話想做網絡平台,希望佢成功,做人最緊要堅強,加油。」
精選娛聞,喺晒《娛果》
http://fb.com/appledailyent