日馬跑禮拜六，今期（23日）編兩泥八草，草地用A加3跑道角逐，兩場泥地都跑中距離，究竟利放或利追，天氣乾燥吹北風，在乾快跑道上角逐，則前置馬較有利。

莫雷拉停賽，蔡約翰擺下強陣，祈普敦肩負重任，手風順的話，有機會連場報捷，可優先留意。

第七場三班田草1200米：「勇闖者」上季跑五場未能建功，然在1200至1600米都能上名，演出忠心準繩。

踏入今季，蔡約翰有所部署，在9月中已投入積極操練，但唔心急上陣，其間做四個大閘，狀態循序冒起。

上仗初出選擇跑快活谷，結果以輕鬆姿態趕過「指揮官」，打開勝利之門。這匹四歲當起自購新馬，跑第三班絕對無阻力，返沙田大跑道更利發揮，連捷呼聲甚高。

「醒蹄飛」季內表現唔錯，上仗直路賽跟「旺蝦旺」串連贏，狀態長期有好水準，跟柏寶合拍，做好走位留放，有股頗強衝刺，是三甲之選。

「巴基小子」上季尾至今，主攻泥地，馬兒較被動難追，亦無晒新鮮感，今次轉戰田草1200米，有根有據，可望帶來衝擊，是半冷佳選。

「多項領先」自購馬，外地跑中距離，來港適應唔錯，兩個大閘都有追勢，被出縮程會好跑，可兼顧作配。

「萬馬歡騰」未跑已轉投方廄，賽績顯示亦是中距離馬，試閘考驗肯追，可留意走勢。

「愛飛一號」拼後欠進。「有心人」維持作戰狀態。「帶盈來」稍勝上回。「勝利歡星」試閘尚好。