今年7.1是香港主權移交中國19周年，亦是香港法定公眾假期，不過中大通識教育部領袖課程副主任梁啟智，下午上載懷疑是補習社英皇教育中心其中一間分校在鐵閘貼出的通告，指因今年7.1是「國慶假期」，故暫停開放1天。梁笑言「原來香港今日國慶」，吸引網民紛紛轉載。記者向梁查詢，惟對方婉拒透露在哪間分校和何時拍攝，僅稱相信只是撰寫通告的職員一時大意，希望大家輕鬆笑笑便算，不用太認真。

事隔2小時，英皇教育在facebook指，所有分校的職員均表示無出過有關通告，且該通告「完全唔係英皇教育嘅出通告模式」，質疑「唔通畀人玩‬？」但自爆有分校通告的年份，打錯為2015年，表明「有錯一定認‬」，又上載多間分校門外的照片，欲證明梁啟智貼出的通告樣式，與該校不同。

不過有網民發現英皇貼出的照片中，唯獨大埔分校鐵閘上沒有通告，質疑「錯咗咪認囉」。英皇其後到梁啟智facebook留言，指「大埔同事」下午約2時到分校巡視，未發現有張貼通告，但校方定會「繼續查明究竟，若有出錯，必定立即更正並真誠道歉。謝謝你的提點」。

【網民點睇】
潘小濤：第一個明張目膽支持港獨嘅機構

KurskEdward：鍾樹根早已透露，RepublicofHongKong嘛

DanielChan：原來王光亞話少數搞港獨嘅團體係佢哋，回歸咁耐仲英皇前英皇後，仲唔快啲正名做「中共教育」補鑊？

AsherTse：1925年7月1日廣州國民政府成立

AndrewLeung：可能英皇教育係加拿大嘅，事關今日係加拿大國慶

HarasTang：長知識。通識一定要搵英皇補！