雖然就快到四月，但北京竟然落咗一場大雪，唔少圈中人都趁機拍下雪景，包括王菲﹑陳坤同趙文卓等，仲有人借雪示愛添，嗰個就係黃曉明喇﹗

近日黃曉明女友Angelababy同台灣型男柯震東，畀人影到喺上海機場咬耳仔密斟，唔知「海綿蛋糕」係咪要宣示主權，今午佢喺微博發功，上載一張噚晚大半夜出去玩雪嘅相，亦唔介意畀人話佢半夜三更玩雪係神經病，認真大細路。天氣雖然超凍，但佢仍然好有心機，畫咗個愛心送畀大家，呢個「大家」當然包括埋Baby啦，唔知Baby收到呢份心意未？冧唔冧爆先？






「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
 
公投網址： http://facebook.com/AppleDailyGoldenPlum