新世界發展(017)物業資產件件筍嘢,但同其他二線地產股一樣,股價跌到得番NAV嘅3折,新世界抵撈。新世界最新NAV23.6元,現價(7.68元)又係跌到近金融海嘯價,NAV折讓高達67%,折讓吸引力,同其他二、三線磚頭股一樣。但要咁睇,新世界市值過300億銀,隨手數幾件手頭資產,好似中環新世界大廈、灣仔君悅酒店、萬麗海景酒店及尖沙嘴崇光,件件硬嘢兼筍嘢,而新世界作為大孖沙彤叔旗艦,又hold住新創建(659)及新中(917)等等既可守又可攻嘅企業,尤其後邊新中,隨住阿爺調控解除,肯定為阿媽新世界帶嚟豐厚增值,新世界NAV點只呢個價?呢轉收集新世界,係咁意博折讓收窄到11.8元,現價講緊要翻半番。