近年有不少澳洲籍騎師基於不同原因離香港回澳洲發展，包括六次屈居韋達之下做阿二的柏寶，以及賣貼士被釘牌18個月的「炒飯哥」羅理雅。

羅理雅回澳後雖然贏過幾項級際賽，但仍未能在一級賽取得突破。

今日（7日）他在悉尼蘭域馬場出賽，有份於1300米一級賽肯德百里錦標策騎紐國馬Bostonian出賽。

馬匹只是賽事中的第四熱門，但牠在炒飯哥胯下走得相當暢順，留守第二位之下，直路與大熱門「白葡萄」纏鬥一輪後，成功擊敗這匹兩項二級賽冠軍贏馬，炒飯哥亦順利取得回國後個人首次一級賽勝利。

另一方面，柏寶在維省策騎亦取得好成績，他這天在費明頓馬場出賽，並於第二場1400米二級賽維省種馬錦標，策騎Lunar Fox參戰。

Lunar Fox沿途留在第五位，直路在中檔奮力追趕，乘着大熱門Ole Kirk一直塞車之際長驅直進，結果爆27倍冷Win捧盃。

--------------
曾犯天條必入「黑名單」？華將洋將結局大不同！想知咩事要睇【馬上看經典】
-------------
馬匹賽績、騎練數據、名家貼士
【最強贏錢武器 盡在蘋果馬網】刨馬撳呢度
------------------
【武漢肺炎】專頁 全民自救 抗疫資訊盡在《蘋果》