現年23歲、賭王何鴻燊四房長女何超盈，今日下午三點左右，被發現一個人喺銅鑼灣迷糊遊蕩，神情仲有啲呆滯，鼻下人中位置沾有白色粉末。

遊蕩期間，超盈顯得有啲腳步不穩。當時街上人來人往，唔少途人都認得佢，但又冇人敢上前。好彩後來有一名西裝男出手，扶住超盈，再帶佢行去石壆坐低，又幫超盈打電話俾友人求助。

等咗幾分鐘，超盈嘅男性友人趕到，即刻幫超盈抹乾淨個鼻，再幫佢拎埋手袋、急急帶佢上附近嘅利舞臺，到依家仲未見超盈與友人離開，未知係咪仍然喺上面稍事休息、定係已經由秘道離開。總之到依家仍然有大批記者等緊。