本身《導火新聞線》仲係劇集嘅時候觀眾都睇得好肉緊，劇中方凝、輝爺、阿咩為咗新聞自由同社會公義，同上司撐到行。但係今日電影《導火》喺銅鑼灣舉行首映，竟然變咗一場鬧劇，套戲嘅老闆蕭定一請咗王宗堯同Jeana嘅緋聞新歡—蔡潔同翁子光到場。

王宗堯接受訪問時，被問到佢同前女友Christy(黎紀君)嘅關係，o依家會唔會覺得尷尬？宗堯話﹕「唔怕唔怕，o依家大家都叫做同公司，以後一定好多機會見面，同埋我都講過，大家係和平分手，唔係反晒面咁，可以保持到朋友關係，好似以往DaDa咁，都會成日傾偈，有啲咩工作上嘅嘢大家都可以傾，都幾交心。」

宗堯又話同蔡潔o依家發展得好好，唔會禁止蔡潔拍咀戲，因為大家都係演員做各自本份啫。蔡潔到場後同宗堯影合照，接受訪問時佢表示唔會介意宗堯同Christy日後有合作，會互相尊重對方嘅工作。睇嚟佢哋兩個都幾心靈相通喎。

至於胡定欣舊愛Terry(陳明道)都有到場，不過佢就冇接受訪問，如果唔係今日個首映就會煲成一齣大集燴鬧劇。