【潛力無窮】
App相關業務帶來的效益成為新經濟動力，蘋果早前公佈，App Store的App開發商去年賺100億美元，根據Box Office Mojo數據，與荷李活在美國票房收入睇齊。即使本港創業搞App相比外國未算活躍，主攻本土市場的更可謂寥寥可數，勉強稱得上的只有GoGoVan及神魔之塔，不過兩者先後均獲內地資金青睞，估值均以數億元計。
科技業務分析師Horace Dediu認為，雖然Box Office Mojo數據只包括美國數字，但蘋果數據亦未計及Android的App收入，因此App經濟或已超越荷李活。分析又指，部份App開發商盈利多過荷李活明星，而且App經濟更帶來更多職位。

投行精英紛創業

至於本港App開發業務，有創投基金界人士鼓勵創業青年先在香港試水溫，再將技術帶出香港。他指無可否認近一兩年是繼千禧年科網熱後，最多投行精英轉投私募基金界或自己創業的年代，舉例指「小小超」電盈主席李澤楷所出資的Nova Founders Capital及旗下入股公司的掌舵人，均從投資銀行出身，「對年輕人絕對係正面消息」。