當年今日
關於我們

「好好嘅聖誕禮物」
郭富城甜認Moka再陀B

蘋果日報 2018/12/20 05:20

郭富城大肚方媛Moka

郭富城的太太方媛(Moka)今年9月被本報率先踢爆已懷第二胎,昨日城城在柴灣為「第43屆香港國際電影節」拍攝宣傳海報時,終於親證Moka再度懷孕,不過未知腹中嬰兒的性別。
empty
郭富城昨日心情靚,親口承認明年再做爸爸。
empty
郭富城預告明年會休息陪太太Moka待產。資料圖片
empty
Moka(中)早前出席晚宴時已見腰肢圓潤。資料圖片
empty
郭富城指囡囡見媽咪的肚子越來越大,會多加呵護。資料圖片
仔女都是恩賜
Moka去年9月誕下女兒Chantelle,城城一直渴望添個兒子,連月來均沒有正面回應太太懷孕消息的他,昨日忽然自揭明年再做爸爸,太太要生B,所以會休息一段日子,他說:「開心事,而且就嚟聖誕,所以想同大家分享一下。收到好多祝福,又知道大家好關注。我之前都叫大家留意我太太個肚啦!你哋下次見到佢,就讓張凳畀佢坐吓喇。」

心情靚爆的城城全程合不攏嘴,他指囡囡看到媽咪肚子不斷脹大,亦會呵護媽咪,他開心謂:「男女都係上天嘅恩賜,係好好嘅聖誕同新年禮物。」問他屆時會否陪太太入產房?城城即重提太太生第一胎時,自己身在開平拍戲,要即時趕回香港,他說:「明年上半年我都係做巡唱,會易就啲。我有晒心理準備,大家放心。」
愛死尊尼狄普
此外,城城表示已連續四年成為香港國際電影節擔任大使,而明年將有四部主演的電影上映。早前他在首屆海南島國際電影節奪得影帝,同場還有國際影星尊尼狄普(Johnny Depp),他說:「我同佢講好鍾意佢嘅電影,然後同佢講『I Love You』。我真係一直好留意佢嘅電影,佢年紀大我少少之嘛!佢都話有機會想合作,又話希望喺中國地方拍電影。我就諗如果拍套《海盜王奇遇孫悟空》就好,佢做魔盜王咁出色,我都要搵個勁啲嘅角色襯番,電影係夢工場,成事都唔出奇。」
採訪、攝影:盧妹