顧芮寧、鍾偉強同余慕蓮等，去到港台出席「長進課程2014-2015開學禮」為節目《長進課程》宣傳。

顧芮寧同搖滾前輩鍾偉強喺現場夾band，以普通話為母語嘅顧芮寧表示，現時努力練習廣東話，喺現場亦同前輩鍾偉強溝通交流，佢哋兩人今次首度合作，鍾偉強喺內地歌唱比賽節目《中國好聲音》爆紅，顧芮寧話：「我自己唔係比賽型歌手，不過會多啲寫歌俾大家聽。」

余慕蓮以長者身份建議老友記，應該多留意時事，多學習新事物，唔好困自己喺屋企，余慕蓮話：「我都係獨居，不過我好唔黐家，我會去做義工同拍劇，有冇錢都會做，個人唔做嘢就退化。」