當年今日
關於我們

股場放大鏡:睇好樓市首選信置 - 歐陽風

蘋果日報 2007/11/19 00:00


早兩三個月,街頭巷尾都聽到香港人大談股票經,不過到近一兩個月,講股票嘅已經少咗好多,反而講樓經嘅忽然大增。根據11月16日所公佈的最新數字,反映二手樓市走勢的中原指數,報61.31,較前周升1.4%,正式上企60點的關口,並突破99年及06年兩次形成的阻力。
有人講過由於過去10年二手樓會有折舊,所以中原指數能否重上97高位頗成疑問,因此月前出現太古城一個全海景大單位樓價突破97高峯,被認為係特殊例子。
用97年情況同𠵱家比較,原來仲有好多數字頗為有趣,例如97年本港銀行總存款大約有26508億元,07年已增至53376億元,增長有達1倍多,97年港股總市值只是4萬多億元,現在已增至20多萬億元。過去10年來,香港人總財富增加了多少?這些財富效應,其實早已在屢創新高的豪宅價中表現出來,中價樓遲早水漲船高。
股跌樓未必跟跌
上星期股市再跌,現在是時候考驗樓市與股市關係,由於講到明係套股換樓,歐陽風相信股市跌,樓市未必跌。地產股近期下跌,同國內投資受宏調陰影拖累不無關係,假如相信香港樓市升浪,係時候分段吸納實力地產股,信置(083)國內投資相對少,係較佳選擇。
empty
多金控股發盈喜
多金控股(628)上星期五發出盈利預增通告,表示今年9月底止之6個月業績將轉虧為盈,相對於上年同期,有可能達致重大溢利。盈喜對於國企股嚟講,唔係出奇,三四線股盈警就聽得多,呢隻「多金」,做乜生意賺咁「多金」?
多金專做澳門叠碼仔生意,透過收購兩家博彩中介人實盈及多金娛樂,涉足澳門賭業,又於9月以9.93億元收購持有威尼斯人指定博彩中介人代理業務60%權益。呢盤生意有幾多金,即管拭目以待。