事，發生時係得一個版本。不過記載嘅歷史，就可以同一件事為後人帶來百花齊放咁多個版本。到2012年嘅今天，大家應該對2008年投行雷曼兄弟爆煲嘅前因後果都略知一二，不過今時今日，上至特首曾蔭權，下至我，都係唔知exactly點解當時唔救雷曼。
可能係疏忽、陰謀或按本子辦事。點都好，「08唔救雷曼」令我頭嘅程度，絕對係達到「07年港股直通車邊個幕後搞出來」同埋「邊個度數碼港條橋踢英帝走」嘅水平，全都係我他朝去之前想知真相嘅嘢。

不過人類係會學習嘅一群，就算某件事真係意外唔小心發生，當見到結果後，未來想做同一結果時，就會知點做。當年，因雷曼爆破之後，一輪又一輪嘅「救市」措施出台。令有權力嘅人，越亂越得益。
花旗國有畀行政長官8000億亂使，國會冇得過問嘅TARP，令識人攞到錢嘅承包商發過豬頭。國內就有好多萬億嘅基建計劃，令坐正嘅人喺特區買88樓豪宅。你今日灌醉呢啲得益者，問佢哋最想要啲乜，一定答：「CanIhaveonemoreLehmanplease？」
當然，唔係個個都滿身銅臭，淨係講錢。權，始終係一樣更多人要嘅嘢，歐洲就係最好嘅例子。
歐洲充滿想支配其他人生命選擇嘅社會主義者，最弊係有民主呢件產物阻住成大業。所以每當有危機時，社會主義者就會摩拳擦掌話想利用大好機會擴充權力。佢哋都係想再有「雷曼」去壓制民意攞着數。
上周，德國財長被傳媒見到同葡萄牙財長話唔使驚。佢唯一可以咁做，就係因知「雷曼2.0」來緊，因以家嘅情況，德國人民一定反枱。德國想製歐洲「雷曼」究竟係咪真，我只可以學CharlesMunger話齋：「ShowmetheincentivesandIwillshowyoutheoutcome。」

孫柏文
作者為獨立股評人
本欄逢周二、四刊出