日本NHK電視台起用波瑠夥拍玉木宏嘅晨早劇場《阿淺來了》大受歡迎，開播以來一直收視高企，捧紅埋曾喺香港發展嘅男星藤岡靛，於當地掀起一片熱潮。

《阿淺來了》上星期六終於播到大結局，男主角玉木宏臨終時有波瑠伴隨身邊，結尾一幕更有兩人回到青春時喺花田中重遇，場面既感動又催淚，關東地區錄得27%收視，全套共156集嘅平均收視達23.5%，創下本世紀晨早劇場嘅最高收視。

NHK電視台趁大結局當日早上，就喺大阪城HALL舉行活動，安排1,100名觀眾一齊收睇大結局，女主角波瑠同有份演出嘅男星三宅弘城都有出席，相當熱鬧。