陳靜（DaDa）上周四晚突然喺微博宣佈退出，不過息影才兩日，上周六忽然現身、為伯樂彭浩翔執導電影《曼珠莎華》補戲，不過DaDa卻未肯跟經理人施念慈聯絡，解決合約糾紛問題。

DaDa曾在微博透露，退出是因為患上情緒病，但正正係因為佢連日潛水，故不斷爆出負面揣測，令其壓力倍增，惟有收埋自己避見人。今日有報道指，DaDa決定退出前黐實彭浩翔，希望有機會請《低俗喜劇》出品人、太陽娛樂老闆周焯華幫忙贖身。但對於所有負面傳聞，DaDa繼續啞忍避談。

DaDa喺圈中好友不多，除咗導演彭浩翔同拍檔杜汶澤外，原來佢同Jeana(何佩瑜)私交甚篤，兩人不時把合照貼上微信同Instagram互勉。今日網上就流出DaDa宣佈退出前、相約Jeana游夜水嘅相，兩女暢泳後玩素顏自拍，估計這輯相是DaDa息影前的最後泳照。

事後Jeana接受本報電話訪問時話： 「我哋之前係有約過游水，一齊做吓運動，嗰日DaDa都好好，佢係唔想朋友擔心。我呢幾日有同佢短訊，佢話唔想太多人擔心，0依家聽醫生話多啲休息，希望大都畀多啲空間佢。」