曾於90年代紅極一時嘅韓國男團SechsKies成員姜成勳，噚晚發生五車相撞嘅車禍。

事發於噚晚韓國時間六時二十分，姜成勳嘅車於京畿道龍仁市京釜高速公路、向首爾方向行駛時，突然撞上前方一架車，而周圍嘅車亦因為閃避不及而發生連環相撞嘅意外，姜成勳嘅肇事車輛更有一半被損毀，包括姜成勳在內，三人受輕傷。

喺公開嘅車禍現場相所見，肇事車輛嘅擋風玻璃破損，車身前方凹陷。

警方正調查係唔係因為姜成勳駕駛時不小心而且冇減速而導致車禍，不過姜成勳方面表示係因為前方車輛突然煞車，佢因為要躲避前方而換車道，結果撞上旁邊車道嘅車。