世界著名豪華火車郵輪營運商OrientExpress，下年推出「法國藝術佳釀」之旅，4款行程包括「藝術」同「紅酒」兩部份。6晚旅程，唔怕人多欠私隱，因為貴客坐嘅係豪華遊艇船隊AfloatinFrance嘅6人遊艇。
法國風景如畫，藝術家大把創作靈感。「藝術印象」之旅明年5月12日出發，遊艇FleurdeLys會取道布根地運河（BurgundyCanal）前往迪戎（Dijon），途經「布根地酒區之都」伯恩，以及ChateaudePommard酒莊。佔半房每位4850英鎊（約6萬港元）起。
「完美之作」之旅明年7月29日啟程，每位3800英鎊起（佔半房）。Napoléon遊艇將會由「孕育葡萄酒之河」隆河谷前往普羅旺斯，停留喺梵高完成名作《星夜》嘅小鎮亞爾（Arles），喺度畫返幅傑作夠晒有紀念價值！

法國之旅點少得嘆好酒，「葡萄酒發現之旅」7月1日出發，深入多個隆河谷的迷人酒莊，一次過飲齊當地靚酒，葡萄酒專家仲會同船上大廚合作，等大家盡情享用美酒同佳餚。行程包括參觀GevreyChambertin的Drouhin-Laroze莊園，有埋導賞團同簡介會，去到傳統酒窖食布根地盛宴。每位收費佔半房3880英鎊起（約4.8萬港元）。想飲多幾款靚酒，可以升級去「特級葡萄酒之旅」，一次過品嚐33款頂級好酒，頂級行程就由可以載8人的Amaryllis遊艇接載，佔半房每位5800英鎊（約7.2萬港元）。