記：記者吳文輝
賴：前騎師賴維銘

記：方嘉柏秉承本身傳統，季內於快活谷累積18Win，表現突出。今晚（11日）其馬房陣容強，相信又會有佳作。

賴：今晚方廐第一場五班1650米有「星河戰駒」列陣，相信可以先拔頭籌。

呢匹四歲馬表現慢熱，由上季到今季初首五場賽事都是200倍過外巨冷，評分急跌，加上本身日漸上力，開始睇到曙光。

前仗降至五班跑沙田1400米，後上只輸三乘多，眼見已屆收成時，卻突然改投方嘉柏馬房，可算行運醫生。

當時轉廐首仗，「星河戰駒」被練者安排加眼罩上陣，改善了一直早段慢腳的問題，沿途得以跟守好位，直路上追勢亦佳，跑第二明顯進步。

「星河戰駒」季初曾跑谷戰只輸兩個多馬位，方嘉柏今次安排其轉場有根有據，搵到潘頓出馬，有心盡快贏馬交代，對手非強可捧。

記：馬匹評分下調，有機會低位反彈，今晚有冇另一匹同類例子值得參考？

賴：不妨考慮一下第三場四班1650米「皇圖」。

呢匹自購馬來港後跑咗九場，只得一場並非雙位數名次，賽績認真麻麻。

不過，這匹來港前已贏一哩之馬，季內三戰都跑短途，未必是其最合適途程，本身比較慢腳，今次增程跑1650米應該會更加啱跑。

「皇圖」之前曾於谷閘勝出，一畀即有良好衝刺，實力並非想像中不堪，來港至今評分已下調廿五分（由最初71分減到目前46分），能夠走入一席位置絕不出奇。

-------------
【馬後炮】520萬拍賣馬一步都冇！
棟哥繼續鬧爆呃錢馬呃錢騎師！
-------------
【足總主席專訪】曾填錯飛都中580萬三T！
貝鈞奇：年青一代要發揮港人永不放棄精神
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩