呢對港產聖誕老人團隊過五關斬六將攞到季軍,成績算好好嘞,因為Santa Kiwi嘅聖誕老人年資只係得一年㗎咋!
今年喺港區選拔賽中勝出嘅Santa Kiwi只有153厘米高,但身形細粒反而令佢喺三項鐵人賽中展示出平衡力同靈活性。
而熱愛極限運動Parkour嘅Santa Apple則有膽識、體能同應變能力,據知佢哋兩位喺賽前每日進行Santa特訓,練習包禮物、跳舞同地獄式訓練體能,為參賽做好準備。
原來Santa Kiwi更係呢次比賽中唯一嘅亞洲女性,佢話出發前好緊張,好彩獲師兄送上鼓勵,「有些事情一個人完成可能不行,但有多個人合力完成一定可以!」