40歲嘅黃金盛女佘詩曼，已經單身多時，早前就有報道話佢喺家中佈下桃花陣催旺姻緣，今日阿佘嗻旺角出席酒店揭幕，被問到呢件事，佢話報導入面不論係傳聞或相片皆為舊事：「報道講嘅嘢、所有相都係舊嘅。拜佛係一個信仰，自己冇話求啲咩，一切都順其自然。」問到佢係咪都想早日找到另一半生小朋友？阿佘就話一切均會隨緣。

講到葉璇曾於訪問內承認自己已雪卵子以備日後作人工授孕之用，問阿佘可會考慮？佢就頭擰擰咁話：「唔……呢啲隨緣啦。」至於早前阿佘被影到於友人新店開幕，因飲得太盡興，搞到要男友人扶住離場，阿佘話自己唔飲得：「不勝酒力，其實我唔係好飲得㗎咋。」