泰拳以快、狠、準見稱，賽車則係要擁有冷靜頭腦嘅技術性運動，表面看來兩者風馬牛不相及，但如果將兩者Crossover，原來所產生嘅化學作用係令你意想不到。泰拳搏擊導師陳德興師傅就針對賽車手嘅需要，設計咗一系列嘅拳擊訓練，目的係刻意提升賽車手在賽道上嘅表現。陳師傅認為，賽車運動講求手腳協調、反應及體能，特性與泰拳有很多脗合之處，訓練上亦係針對這幾方面。「賽車進行時，跑車高速行駛，加上軚盤十分重，需要強而有力嘅雙臂才能控制軚環。在入彎及出彎時，轉波、踩迫力及極力子等，車手需要在短時間內完成一系列動作，腰力、手腳協調及腿部肌肉訓練都十分重要。」
飄移車手Wing近年亦透過泰拳訓練提升飄移技術，「賽車運動有很高嘅體能要求，但唔同種類嘅賽車亦有所分別。好似我哋玩飄移，每一場只係十零分鐘，需要高度嘅集中力，因一兩個動作嘅失誤就會影響整個成績，所以訓練上，會集中喺有關集中力嘅訓練，體能上嘅要求相對唔大。不過如果係玩賽道，以分段成績計分，一場失誤可以在下一場補救，但由於每場所花時間較多，體能上必須很Fit，泰拳就一樣可以提升到耐力。

是參考F1車手訓練模式，手部單車機可作不同角度、前後方向及重量調校，不同角度及力度可訓練車手手部、肩部、背部及腰部等不同部位嘅肌肉。由於控制手部單車機係需要手部極高嘅體能，一般人難以操控這部機超過20分鐘。

賽車期間轉軚環嘅頻率極高，手腕力量隨時影響表現，這個重達40磅嘅啞鈴，要求車手以蹲下嘅姿勢，靠手腕手力提升啞鈴，藉此加強腕力，提升賽車時對軚環嘅操控。

陳師傅（左）指用手腕提升啞鈴動作要正確，否則容易傷及自己。

陳師傅說，很多人雙腳發力時會「鴛鴦腳」，即重心及力度嘅使用偏向一邊。使用單車機除了提升車手耐力，兩腳操控腳踏時，可加強雙腳嘅平衡性，否則賽車時偏重身體一方，同樣影響表現。

訓練車手腿部肌肉，增加其爆炸力。將腳掌稍為墊高，用腳掌力上下提升啞鈴，加強腳掌力量，令車手在控制極力子及迫力時，操控可以更得心應手。

車手手腳協調十分重要，拳擊訓練及密集嘅出拳動作，可以訓練車手敏銳嘅反應及節奏感。而且一般賽車不似私家車般可以嘆冷氣，車手本身已經要穿上不透風嘅防火賽車手服，加上引擎高溫等，車廂溫度往往高達攝氏50度，為了令車手習慣在高溫下進行體能運動，在操練時，陳師傅亦要求車手穿上外套，可以同時磨練意志及耐力，為車手喺心理及生理上都提供全面嘅訓練。