曾出演韓國人氣育兒節目《超人回來了》嘅男星宋一國及其三胞胎兒子，雖然已經退出節目多時，但依然深受粉絲喜愛。

三胞胎明年3月就7歲生日，大韓、民國同萬歲都遺傳咗阿爸嘅高大身形，三胞胎越大越高。而近日就有三胞胎着上西裝嘅型爆照片流出，據知三胞胎當日出席韓國音樂劇演員嘅婚禮，三人都拉高咗唔少，條腿睇起上嚟好修長，睇嚟有排高，網民都大讚佢哋好靚仔。而宋一國亦有於Instagram公開三胞胎新相。

另外，現時正出演《超人回來了》嘅混血B兄弟威廉同本特利同樣有唔少粉絲，將於聽日播出最新一集中，兩兄弟同老竇為咗買聖誕樹裝飾品而到玩具街購物，二人見到周街都係玩具都大感興奮，樣子可愛爆燈。

精選韓流，喺晒《娛果》
http://fb.com/appledailyent