曼聯憑住費蘭尼同桑馬達分別喺上、下半場建功，主場以2:1擊敗史篤城，不過，紅魔能夠力保勝果而拎晒3分，喺比賽尾段兩度神救嘅門將迪基亞一定功不可沒。其實迪基亞今季都神救過好多次，搞到唔少網民話佢黐咗線，係讚佢呀，覺得佢犀利到黐線咁解咋。

不過網民喺讚迪基亞之餘，又鍾意順便抽埋曼聯水喎，因為好多網民都話「後防越廢，越顯得佢勁」，甚至有人話「弱隊出鋼門」喎，真係唔知好嬲定好笑。另外，好多創意十足嘅外國網民，趁住迪基亞咁神勇就梗係玩吓改圖啦，好似電影22世紀殺人網絡主角阿Neo擋子彈嘅經典一幕當然唔少得啦，仲將佢變成耶穌同超人㖭，希望迪基亞嘅水準可以保持落去，等各位網民繼續開心啦。

雨傘革命: http://umbrella.appledaily.com