彼思（Pixar）動畫上年宣佈《反斗奇兵》（Toy Story）會拍第四集，令到大家都好期待，之前披露今集故事會以西部牛仔胡迪與牧羊女寶貝嘅愛情線作重心，將《反4》變成反傳統嘅玩具愛情喜劇，並會繼續搵番湯漢斯（Tom Hanks）與添艾倫（Tim Allen）聲演胡迪同巴斯光年。

點知《反斗奇兵4》映期一改再改，電影原定喺2017年上映，之後宣延遲至2018年，今日彼思再宣佈會將《反斗奇兵4》延至2019年6月21日上映，反而《超人特工隊2》（The Incredibles 2）嘅上映日期就會提前至2018年6月15日。今次將兩部電影嘅映期對調，據知係因為《超人特工隊2》嘅製作比預期中快，所以會率先上映。