【太鬆易病】跟杜德智學跳舞收陰 李樂詩話老公都支持

蘋果日報 2017/06/26 15:54

Soler李樂詩杜德智
    李樂詩（Joyce）、杜德智同Soler今日喺紅磡出席愛緻美「收陰機」發佈會，現場3位嘉賓由杜德智帶領下跳「收陰舞」。已為3子之母嘅Joyce直認有陰道鬆弛嘅困擾，佢話：「我3個都係自然生，對身體一定有影響，生完BB下面鬆咗，我都唔知有產品可以用，感覺好似做facial令皮膚firm啲咁。有時大笑都要忍住，叫我一齊跳彈床，都未必跳到，因為怕有意外，下星期會試呢部機，好興奮，希望可以幫助我。」佢仲話老公都好支持，Joyce話：「太過鬆會入細菌，好易有病。」Joyce 3個囝囝已經分別7歲、4歲同7個月，佢話一直想追女，為怕第4個又係仔，所以決定封肚唔生，佢話：「將來對新抱好啲，當多個女，o依家可以夠腳打麻雀。」
    杜德智就話今日專登揀咗首拉丁大熱嘅歌曲做音樂，配合返心情同感覺，佢仲話已經將呢套舞蹈教細佬杜德偉，等佢教吓太太，講到8個月大嘅姪仔，杜德智就大讚可愛，仲話對住BB時就會收起霸氣，眼咪咪咁扮溫柔，問到有冇令佢有生B嘅衝動？杜德智就話：「冇呀，壓力太大，暫時未努力呢方面，細佬工作辛苦，佢大愛係BB，我嘅大愛係腹肌。」
    empty
    empty
    李樂詩、杜德智同Soler今日喺紅磡出席活動。（攝影：仇志德）
    empty
    現場3位嘉賓由杜德智帶領下跳「收陰舞」。
    empty
    empty
    Joyce 3個囝囝已經分別7歲、4歲同7個月。
    empty
    佢話：「將來對新抱好啲，當多個女，o依家可以夠腳打麻雀。」
    empty
    empty
    杜德智話細佬大愛係BB，佢嘅大愛係腹肌。