本月初在上水發生的槍殺案，不但奪去燒臘店股東謝耀元的性命，亦同時粉碎一個大好家庭，叫謝家高堂及妻兒頓失依靠，一時間連籌措殮葬費也有困難。蘋果日報慈善基金有見謝家苦況，即時從「殮葬專戶」撥款解困。

謝耀元遺孀阿芳悲慼地說：「一頭家本來好哋哋，𠵱家乜都冇晒，點解會搞成咁！」事發於本月六日清晨，四十一歲的燒臘店股東謝耀元，在上水中心商場的公廁內疑遭人伏擊，後腦中槍當場慘死，警方目前仍在調查這宗案件，初步相信事件涉及勞資與生意上的糾紛。

「兩老好傷心」
這宗冷血命案，在短短幾秒間便取去謝耀元的性命，這位在謝家被喻為百分百的「好丈夫、好爸爸、好兒子」。「我老公真係出名嘅好男人，佢好顧家，好錫我同兩個仔，亦都好孝順老爺、奶奶。突然間發生件咁嘅事，兩個老人家都好傷心，尤其係我老爺，佢本身身體已經唔好，有心臟病、糖尿病同高血壓，我真係怕佢捱唔住。」