Paco愛將陳僖儀(Sita)噚晚喺九展開音樂會，羅力威同小肥擔任嘉賓。Sita一嚟就以連身短裙晒長腿，之後就玩透視黑絲裙，仲爆小肥喺後台經常搞到佢好high。

咁係咩事搞到high晒呢？Sita話﹕「小肥好鍾意講笑，有時仲會同我分享演出經驗，佢喺度令我冇咁緊張。」

對於在新城頒獎禮疑似走音，Sita表示﹕「只係爭啲走，會叫自己做得更好。」另外，羅力威喺演出嗰陣有好多小動作，羅力威事後話﹕「我知呀，但已改善咗，以前驚到瞇埋眼唔敢面對歌迷，依家瞪開眼發覺台下嘅燈光好靚。」