當年今日
關於我們
【戀情曝光】查理絲泰朗戀上荷爾芭莉舊愛
蘋果日報 2017/06/15 13:41
荷爾芭莉
查理絲泰朗
44歲嘅奧斯卡影后查理絲泰朗(Charlize Theron)終於有拖拍!對方仲係荷爾芭莉(Halle Berry)舊愛!影后自從同辛潘(Sean Penn)分手2年都冇拍過拖,最近終於有新歡,據美國《OK!》雜誌報導,對方正正係同屬奧斯卡影后嘅荷爾芭莉前未婚夫,現年40歲嘅男模Gabriel Aubry,仲俾人影到喺聖塔莫尼卡海邊約會。
報導指出,佢哋嘅仔女喺洛杉磯讀同一間學校,二人喺家長聚會上相識,消息人士透露:「佢哋真係好鍾意對方,而家啱啱先開始,所以兩個人都想低調啲,佢哋有好多共通點,也深深地被對方吸引。」因為大家都係模特兒出身,更加同聲同氣:「他們而家處於同樣嘅人生階段,兩人都渴望真誠嘅愛情,亦可以交流生活趣事」。
查理絲泰朗俾人影到同男模Gabriel Aubry,喺聖塔莫尼卡海邊約會。
查理絲泰朗同影帝辛潘拍過1年半拖,仲去到談婚論嫁嘅階段,但最後都係分手。
荷爾芭莉同Gabriel Aubry都曾經訂婚,可惜最後分手,兩個人仲因為爭仔女撫養權而反目。