早排一杯珍珠奶茶掀起新股熱，今日輪到賣傳統茶葉的英記茶莊（8241）。可能怕大家少飲中國傳統茶，英記特登喺招股記者會，帶嚟鎮店之寶嘅普洱茶餅，畀大家一試真正陳年普洱的味道。

講得鎮店之寶，當然唔少嘢，該普洱茶餅（見圖）價值8.5萬元，大約重半斤，茶葉師傅話，一個人飲大約可飲足3個月。

據了解，呢批陳年茶餅由英記第二代買入，一擺就擺咗56年，直至最近先「出土」。咁樣擺一擺，就值錢喇，每個盛惠8萬5，而且賣一個少一個，好珍貴。

但英記行政總裁陳根源話，相比起內地的炒價，呢批茶餅嘅定價已經叫平。

記者：陳雪蕾

蘋果財經，關心你飯碗
http://fb.com/appledailyatm