韓國男神金秀賢之前同滑冰天后金妍兒齊齊獲得榮獲「2015韓國國家品牌大獎」，今日佢哋就現身首爾汝矣島國會議員會館親自領獎，當中金秀賢就獲得「2015韓國國家品牌文化部門大獎」，而金妍兒就得「2015韓國國家品牌體育部門大獎」。

另外，劉在錫、朴明秀、HaHa、鄭俊河、光熙等今日亦都現身京畿道高陽市日山西區，出席《無限挑戰EXPO》開幕式，劉在錫發言時話：「今日能有咁多重量級嘅嘉賓到場，真係感到十分感謝。呢個特輯嘅想法源自HaHa同光熙，冇諗過佢哋嘅夢想最終實現。不論係我定係佢哋，都係一件令人緊張而興奮嘅事情。呢度充滿咗《無限挑戰》播出10年來嘅美好記憶。呢啲場景同設備都係工作人員夜以繼日，歷時兩個多月進行搭建。可能好多觀眾都無法入場體驗，希望明年可以有更多嘅人前來體驗這兒嘅遊戲設施。」

今次《無限挑戰》EXPO特輯喺購物網站Gmarket正式銷售，主要係為節目開設一個展覽會，並選取幸運觀眾到現場參加節目過去十年嘅遊戲項目，門票售價僅為1,000韓圜(約6.6港元)，但因為同時間購票嘅人太多，導致網站嘅購票主頁出現連唔到線嘅情況。