受催淚彈激發參選業委 勝選亦冇決策權 德福小業主：拱手相讓就輸晒
蘋果日報 2020/12/07 20:34
德福花園業委會
香港很絕望，看不見前路，亦見不到光；人人都說要移民，有人卻反其道而行，參選沒甚麼實權的業委會。去年警方將催淚彈射入德福花園平台，居民不滿業委會及管理公司未有協助，成立自救組並派員參選今屆業委會；即使港鐵持有逾七成業權，而自救組只得6人參選，全數當選亦沒有決策權，有參選人仍認為，縱使絕望亦要盡力而為，「就好似香港咁，你一放棄就拱手相讓，一輸就輸晒喇。」
去年有數之不盡的遊行，8月24日觀塘區遊行，部份人走向德福廣場，警方亦隨即衝入平台發射催淚彈，濃煙攻上住宅單位，連頂層住戶亦深受其害。「啲煙攻到成屋都係，工人姐姐同小朋友直情係攬住喺屋企喊」，育有一子的Patrick是D座業主，對當時情況印象深刻，「個個喺屋企，突然嘭一聲，成個催淚彈就射到D座樓下」，街坊紛紛落樓疏散，有長者在慌亂中走錯方向，朝催淚彈發射位置前行。
德福自救組因去年催淚彈事件成立，今次派員參選業委會，希望改善屋苑透明度，避免「黑箱作業」。本報記者攝
居民求助無門 即場成立組織自救
他說，當時街坊欲找區議員、業委會及管理處求助，惟其時身兼區議員及業委會主席的潘任惠珍帶團到澳洲旅行，而業委會成員「好多座連咩樣都唔知」。街坊惟有即場成立自救組織，互相奔走幫忙，亦演變成現時有逾千個「like」的fb專頁「自己德福自己救」。
催淚彈事件引發自救組成立，成員亦開始關注屋苑事務，發現業委會與街坊之間缺乏溝通，譬如在疫情及「零徵詢」下增加管理費等。Patrick比喻德福花園為現時的香港，「成個業委會就好似今時今日嘅立法會，一黨專政，只可以容納一種聲音」。
自救組決定派員參選今屆業委會，除在社交平台宣傳，亦希望親身接觸街坊了解需要，但連派一張傳單，亦只能縮在一隅。已報名參選D座業委的Patrick指，管理處拒絕任何人在屋苑範圍內宣傳，自救組要派發選舉傳單，只能在超市旁邊一道樓梯，因樓梯屬屋苑保安，樓梯以下則是商場保安，若遇到屋苑保安驅趕便走下樓梯，反之亦然。
Patrick（左）及Leo（右）都是爸爸，兩人均指去年警方除發射催淚彈，「和你shop」期間亦曾進入屋苑範圍，「揸晒槍、戴晒口罩同面罩，小朋友喊㗎。」本報記者攝
僅6人出選難取得過半數
不止宣傳困難，共21座的德福花園，每座會選出一名座代表擔任業委會委員，他們至今只找到6人參選，即使全數勝出，亦無法取得過半數；更甚者，德福大部份業權由港鐵持有，小業主只有24%業權，成立法團是奢望，小業主難有屋苑決策權，業委會充其量只是業主與管理公司的溝通橋樑。
Patrick卻道：「如果連少少可以做到嘅都放棄，就好似香港咁，你一放棄就拱手相讓，一輸就輸晒喇。」另一名參選人、I座委員候選人Leo亦指，加入業委會至少可以發聲，「公契畀我哋呢個角色，佢嘅權力都唔用盡嘅話，某程度上係完全浪費晒自己可以做嘅嘢。」
德福花園業委會選舉將於本月初舉行，本月9日會先迎來A、B及C座選舉。在人人討論是否移民的當下，仍有多少港人關心屋苑事務？但至少有如Leo及Patrick般，在絕境中仍希望盡力發聲，「太愛香港，雖然不斷沉淪，但唔想放棄，你鍾意嗰個地方，就會好想去參與佢嘅事務。」
即使德福花園有警察宿舍，惟Patrick（左）亦明言對警暴不滿，「唔想因為要勝出而表示自己中立」，直言「香港冇咗中立呢樣嘢」。本報記者攝
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！