早前，華華出席滙豐一個活動時，竟然見到佢哋嘅一姐梁太梁高美懿（右二），帶住個好文靜嘅少女（右）周圍去，仲介紹畀同場嘅鄭大班鄭海泉（左）及前執行董事林紀利（左二）識㖭，唔通係佢嘅囡囡？睇真啲又唔多似噃。
原來呢位係瑪利諾修院學校嘅中六生李靜，佢參加咗滙豐贊助國際成就計劃香港部搞嘅「學生營商體驗計劃」，攞埋大獎，所以可以做半日滙豐高層嘅影子，睇佢哋點做嘢。
華華記得上年嘅影子跟住鄭海泉同邵銘高兩位大班，今年輪到梁太「湊女」，不過佢本身亦係媽咪，應該冇難度，梁太唔單止向李同學講解工作，仲講喺外國做嘢嘅經歷同趣事。