【沙翁設靈】為保齡球獻一夕話 成就車菊紅奪亞運第一金
保齡球劉掌珠車菊紅沙理士沙翁設靈
劉掌珠(左)於體壇與沙翁(右)共事多年,她直言「佢一生人都貢獻畀體育」。
資料圖片
沙理士叱咤體壇,港協暨奧委會副會長劉掌珠自70年代當運動員已經與他接觸,並在奧林匹克學院共事多年,她感激「沙翁」提攜指導,直言「佢一生人都貢獻畀體育」。
港協暨奧委會副會長劉掌珠於體壇與沙翁共事多年,她指由於父親游泳的關係,從小已知沙翁之名,惟直至70年代她投入訓練保齡球,兩人始有真正接觸,「1978年開始,次次我哋搞公開賽都係請佢做開球,佢好支持,之後保齡球正式成為亞運項目,78年我哋去曼谷亞運攞牌又熟咗。」1986年漢城(首爾)亞運前夕,沙翁如常參加保齡球賽開球禮,當年一夕話教劉掌珠至今難忘,「我送佢走,佢話『我expect你攞金牌畀我哋』,我都唔知點答,就話盡力啦盡力啦。」結果車菊紅當年於女子單打摘下「香港第一金」,成就驕人。
80年代起,劉掌珠成香港保齡球總會主席,又擔任奧林匹克學院義務秘書,她指自此與沙翁公務交流更密,她感激對方提攜指點,又領導她出外參與國際活動,讓她大開眼界,「我哋見親都係體育嘢,我做奧林匹克學院時佢教我好多嘢,例如點樣主理個會,其實好辛苦,佢又帶我出去好多海外seminar,尤其係女性運動,佢都好積極推動。」她指沙翁自1998年卸任港協暨奧委會會長後隱退,她曾經相約對方午膳,惟後來他身體狀況轉差入院,兩人多年未見,觀其一生,劉掌珠評價沙翁畢生貢獻體壇,「佢自己做生意嘅,但生意交員工搞,但佢大部分時間都放體育,真係一生人devoted to sport(奉獻體育),唔單止係香港體育、仲係國際。」
-----------------------------
【武漢肺炎】專頁 全民自救 抗疫資訊盡在《蘋果》
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 --------------------
【撐學生】召集有心人 撐學生全年睇《蘋果》
立即按此 --------------------
《體蘋果》陪你睇波講波
https://www.fb.com/appledailysports