韓國人氣男團防彈少年團(BTS)現時喺世界各地都爆紅，明年3月將會來港開騷，而聽日佢哋就率先喺台灣桃園棒球場開演唱會，今日佢哋從韓國仁川機場出發，為台灣演唱會做準備。而BTS今日飛台灣就乘坐專機出發，佢哋仲有喺機內拍片，並分享到社交網上。

BTS今日下午約4點半抵台，動用7台保母車，仲有兩名攝影師隨行拍攝，戴帽嘅SUGA一個箭步走上保母車，隊長RM跟隨其後，染紅髮嘅V拎住蘋果汁走出商務中心，與J-Hope同車；Jimin同柾國岸步出，聽到粉絲尖叫聲，即微笑揮手回應。

而美國著名時事雜誌《TIMES》公開「2018年世界最大影響力人物」，當中公佈嘅投票結果，BTS就以9%投票獲得第一位，南韓總統文在寅只排第四位。

另外，劉亞仁亦獲《紐約時報》評選為「2018年度十佳表演人物」，當中劉亞仁喺《燒失樂園》出色表演而獲得讚賞。

精選韓流，喺晒《娛果》
http://fb.com/appledailyent