賽馬貼士|動用110蚊自製連贏過關三串七 中一關已有本有利
鋸得精彩自製過關
以小博大自製過關,有時仲好過指定場次玩大彩池,今次繼續介紹畀大家刀仔「鋸」大樹!
今午(6日)沙田第四場五班1650米泥地「常山耆寶」以往一跑第五班就生猛,不過今季遲遲未郁手,兼且安排跑草地減多幾分。
今次埋門試閘,轉彎發力出頭,隨即撳番住怕走光,肯定係有心考驗目標呢場。
「驃騎飛」上賽入直路抽起勒避,修正再撻着一樣追得咁勁,睇嚟減分過龍之外,泥地1650米仲特別啱跑,唔怕追多次,博呢條單Q。
第六場三班1400米,一對上賽同場追得唔錯嘅「鴻運飛鷹」同「天駟」都值博,初出可以拍住一排對手鬥足200米,分别得第三同第六;輸俾惡馬「達心星」,而二至六名只以短距離分勝負,可見水準唔差。
兩匹馬省完一場,狀態肯定有進冇退,今次分別排八、九檔,進可攻退可守,有權一Q返嚟。
第七場四班1400米「福星高照」,剛戰增程卒之見好走勢,14檔焗留包尾,直路全程俾對手頂住未望過空,咁樣跑第六都做最快末段時間,唔塞車嘅話可以仲近,易配手風順嘅巴度,可以做膽行頭。
「超好日子」,熱咗身加程再出,直路內閃難騎都追入Q,今次換雷神要預埋;「日就月將」跑兩場同程都係後上第四,路程正宗且有分頭,拖埋冇蝕底。
第七場 12福星高照 拖 2超好日子 11日就月將
-----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快還可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。