張惠雅（Regen）、許亦妮和莫凱謙今日在沙田出席「滑動人生共創健力士」活動。剛由尼泊爾返港的Regen，坦言希望今年能夠推出旅行書，「見到好多人都支持我，睇我旅程中嘅故事，例如今次我去尼泊爾行山，原來令到好多人都想試吓。」她表示一個人行山十天，未有擔心過危險：「我請咗一個男導遊陪我行十日，佢好靚仔呀，好開心呀，我喺IG寫我哋呢十日點相處，啲人嘅留言好好笑。」問她與導遊有沒有發展機會？

已單身4年的張惠雅笑說：「個個都叫我試吓發展，我啲朋友都認真咗，就連湯怡都問我係咪對佢有啲嘢，其實講真係唔錯，尼泊爾嘅男仔係幾純品，不過我麻麻哋異地情，因為我以前試過，溝通上係爭啲，而呢個尼泊爾男仔嘅英文好麻麻，所以我哋離開咗係溝通唔到，同埋佢冇讀書，所以唔識打同睇英文；其實我都想㗎，但溝通唔到，不過3月尾會同家姐再去尼泊爾，所以會同佢say個hi。」

久未在幕前演出的許亦妮，現時拍片教烹飪，轉攻做KOL：「我嘅夢想係出烹飪書，將來有個屬於自己的頻道。」問到最拿手的菜式？她說：「咩都鍾意煮，有啲媽咪教我，有啲就參考人哋嘅食譜再改良。」男友有沒有試過她的廚藝？她笑說：「有試過，佢實話咩都好味。」有否結婚的打算？她表示：「冇呀，而家忙到唔諗，可能年紀唔同咗，興趣又多咗，所以好多嘢想學，好多嘢想做，好似想彌補番以前廿幾歲未學過嘅嘢，仲忙過返TVB。」

莫凱謙表示曾目擊爸爸踩滑板車受傷，之後就不敢再踩，「地面有少少石仔，佢唔小心pat pat落地，好彩尾龍骨冇事，但放喺後面嘅相機就要報銷，我見到咁都唔敢玩。」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb