【本報訊】政治犯豈止「13+3」？同樣面臨審訊的本土民主前線發言人黃台仰及香港眾志成員林淳軒昨在政治犯音樂會前出席「與抗爭者對話」論壇；二人均稱對於有可能入獄未準備好，亦感極大壓力；隨着越來越多抗爭者入獄，二人指無論崇尚勇武還是和理非路線，現階段也需急切放下仇恨，一同團結，對抗政權。
成員林淳軒指，近年泛民不同派別互相謾罵和指摘，浪費了不少抗爭時間；在抗爭成本日高、威權時代來臨之時，各派應放下仇恨，團結一起，「喺呢個打壓之下，第一步係要建立盟友、建立互信；有乜唔啱再傾，而唔係互相攻堅（訐）」。

黃台仰：思考情緒主導抗爭模式

林又指旺角騷亂抗爭者「其實唔係壞人」，「大家都只係有抱負嘅年輕人」，稱願意為過去對勇派抗爭者的誤解、「以為對方係鬼」致歉，是次音樂會是最佳機會放低爭拗、真誠溝通。林寄語市民，未來抗爭或困難、黑暗，「但要繼續努力先睇到光明」，望市民不要放棄，「唔好第時先感到失望、為自己冇盡力而後悔」。
黃台仰則指，近年泛民主派的抗爭路線之爭，「其實只係大家就同一件事有唔同嘅面向，例如傳統一派會認為仲可以同中共又傾又砌，但我哋就認為已經冇得傾」。雨傘抗爭者各有經歷，「有啲喺前線俾警察打，但有啲人可能冇」，故出現抗爭路線分歧，兩派又不願溝通。
黃又稱雨傘運動、旺角騷亂至今，越來越多抗爭者入獄，他更曾有抑鬱症徵狀，不願見人，但深明抗爭仍是必須。他認為有需要思考「由情緒主導」的抗爭模式，「長遠係咪好事呢？」黃促大家將情緒轉化為力量，「推進自己去進步，甚至成為犧牲嘅動力」。
■記者葉偉東