冰天雪地之中，「他」踽踽獨行，冒着雪冷風寒造訪心儀的「她」，卻不得其門而入……聖誕將臨，家計會今年特別推出一款電子聖誕卡，以兩性的性器官作為男女主角的「出位」手法，宣揚「性生活和諧」的正面訊息。看過短片後，既有網民像Teakk般批評「個公仔好核突=.=」，但更多網民看後覺得「笑爆嘴」，你又點睇呢？

滿天璀璨「精子煙花」

片段將「又到聖誕（SantaClausiscomingtotown）」的樂韻譜上新詞：「沒法歡好？莫要懊惱！若冇溝通點樣開心到老，為乜要咁？有乜路數？兩家正面去問路，咪藉口去亂咁逃。要體貼要keep住做，就會歡暢樂陶陶。共慶歡好，就要抱抱，沒有芥蒂至會開心到老，普天同慶大家共舞。」
在歌曲的襯托中，男主角在風雪中送花給女主角「補鑊」卻被踢開，男主角不明所以，女主角則傷心得淚落連連。其後兩人站起來想辦法，結果解決了問題，璀璨的「精子煙花」滿天發放，男女主角圍着聖誕樹攜手跳舞慶祝，最後一幕是家計會祝願天下愛侶：「性生活和諧，滿足又愉快」。
「勁搞笑…又勁核突」網民對片段讚多於彈。星人mama說：「家計會好勁呀，佢令我睇完笑到『標』眼水。但笑完又覺得好有意思，深思完就好失落…然後就意識到：我都要努力先得啦！」