點樣用4萬銀炒到150萬?魏力昨與股評人閒談,連他亦嘖嘖稱奇,對該位80後的膽識相當佩服。訪問當日,魏力有幸與其交流,結論是其炒股模式與CY口頭禪有異曲同工之妙──成熟一隻炒一隻!當發現潛力股,佢會先買一注,到突破創新高,顯示時機成熟,就會勇猛加注喪炒,學誠哥咁賺到盡,相反唔對路就會極速止蝕。咁樣即使贏輸各半,拉勻都會大賺。
細價股禾雀亂飛,今日就湊熱鬧介紹隻近日成交異動、市值細、現金多兼且邁向復蘇的連達科技(889)。公司主力產銷變頻器及LED供電器,作通訊及工業用途,佔總銷售72%,整體毛利率34%,高於一般工業股。