前新聞主播「淚的小花」黃紫盈（Connie）今日現身動漫節，為「動主播召喚」向動主播參賽者挑機，對於參賽者嘉明，紫盈BB讚佢好淡定，口齒伶俐，不過聲線方面要調節一下。

首年踏入動漫節嘅紫盈BB，佢話依家喺電台主持節目，都試過請咗一位cosplayer做訪問，了解點解鍾意玩cosplay，整一套衫需要幾多錢等等。

講到今年有唔少cosplayer投訴動漫節配套欠完善，被會場管理員驅趕，指佢哋阻塞通道，會場內攝影區亦比上年細，紫盈BB就話：「其實要兩邊溝通多啲，我見到人流都多，可能見到靚、想捉住影相，但要顧及人流，大會亦要顧及，某程度上動漫節咁受歡迎，都係全靠佢哋打扮得靚靚，或者劃分個專區域畀佢哋，同時作出禮貌勸話，所以溝通得要好啲。」


《蘋果》動新聞一連五日都會直播動漫節，亦都係期待已久嘅「動主播召喚」動漫即場挑機時間！

【動漫Live不停】一連5天好玩到癲
http://bit.ly/1yQy8Qe
http://bit.ly/ucg2014Live