前新聞統籌專員何安達指,去年港府曾在外國落廣告,但效果欠佳,「賣完廣告,當地嘅報紙都即刻做啲專題,講香港啲動盪,你做多多都冇用。」他曾經聽新聞處員工抱怨,「你要求我對外宣傳,有乜咁難啫,但你要畀嘢我宣傳先得㗎。」他認為港府花錢賣廣告只是水過鴨背,「做咗實事先啦,你連香港人都未說服到,點說服外國人?」
其創作合夥人Miranda Shing在業界近30年經驗。她解釋,廣告是用影像、文字或行為去游說別人。現時港府要改善國際形象很困難,早前各地新聞平台不斷播放香港負面情況,「無一條橋可以override(推翻)到真相。」她指,要吸引精明商家來港投資,推出稅務、租金優惠可能比廣告更實際,又建議政府宣傳香港吸引人的地方,例如旅遊和美食,「我細佬移民去英國10年,佢好掛住香港啲魚蛋,我就賣一粒魚蛋,你唔使同佢講嗰度打人、嗰度爆炸。」
東山創建有限公司行政創作總監姚冠東指,去年已出現國際文宣戰,連登「攬炒團隊」在全球登報,其平面廣告用抗爭相片贏得共鳴。其後港府在外國登報,找來維港相片配合文字,他認為主題不清晰,「阿水都知道維港,維港你講咩啫,可以係地產,可以係賣乜都得。」他直言廣告難救香港國際形象,港府應先正視自身問題,「如果我賣畀你係屎,咁我打幾多廣告先能夠令你去食呢?」
-----------------------------
【武漢肺炎】專頁 全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》
讀果 上架