唔係個個名人，都可以經典到喺網上有圖去代表自己，好似成龍大哥咁，約十年前幫某品牌洗頭水拍完廣告後，兩隻手擺上自己個頭嘅表情，就畀人改做表情包同GIF圖等等，而中國籃球巨星姚明，一樣有個笑住嘅囧樣符號，好受網民歡迎。

最近喺全運會，姚明就經典重現呢個囧樣，喺看台上睇緊由解放軍對廣東場男子籃球成年組比賽時，突然露出一個好騎呢嘅笑容，雖然同當年個囧樣有少少出入，但都足夠畀人recall番呢個表情。