【現場直播】
雨傘革命: http://umbrella.appledaily.com
YouTube: http://bit.ly/umbrellalive

凌晨過後，佔領行動踏入第30天，原定昨晚7時在三個佔領區推行的公投，在開展前3小時急煞停。動記者深入旺角集會區搜集民意，對擱置公投明顯一致叫好！

28歲、任職設計工作的Cinda：大家都未傾清楚，只係得三子、學聯、學民有一個想法，但未問清楚其他人點睇，因為民主係要大家討論多啲，先去到一個好啲嘅結果。

31歲、任職設計工作的Day：贊成擱置，佢冇一個充足諮詢或討論。因為幾個佔領區好多都係巿民自發，呢個運動證明自發或唔需要領袖都可以壯大，所以一個領導或領袖要做一個決定，要有一個廣泛討論至有效果。

20歲的學生Jacob：我認為公投本身嘅意義不大，學聯或學民可能想得出一個結果，咁做都係想畀啲輿論壓力政府，但如果呢個政府都唔聽你講嘅話，做呢樣嘢都有意思。

18歲的F.5生黃同學：非常同意，因為戴耀庭冇一個全面嘅推廣，點解要做呢個公投嘅目的，貿貿然咁推出嚟，係好唔明智嘅。