林雅詩（Grace）、可嵐同廚師馮嘉橋（Jason）等今日喺荃灣愉景新城出席Mrs. Fields 35周年活動。Grace自言廚藝唔錯，試過佢手勢嘅朋友都大讚：「阿仔都有讚，我最鍾意就係整曲奇餅同蛋糕，可以食晒成盒曲奇當飯。平時煮飯就最鍾意整魚，仲會成日搵好多唔同方法去整，因為我本身唔食牛肉。」

佢話嚟緊會帶囝囝到歐洲旅遊兼上堂：「佢會學英文，我就去學演戲，都去成10幾日嘅。」

可嵐笑指為咗令囝囝當新一代暖男，安排佢學烹飪班：「我覺得男仔識煮野食，個market會大啲。」不過嚟緊佢要去外蒙古為電影開工，但就唔可以帶埋囝囝同行：「我自己都未去過，今次去兩星期，我會做主角，係個攝影師。但係因為我哋去嘅地方都係郊野，真係得草原同沙漠，我驚阿仔會水土不服同辛苦，所以唔帶佢去。」

精選娛聞，喺晒《娛果》
http://fb.com/appledailyent