耀萊（970）股價相對同屬分銷高檔車嘅和記行（720）大落後，博耀萊踩油。耀萊主打祖國高檔奢侈品銷售，包括分銷好似賓利、勞斯萊斯等頂級汽車品牌。同樣分銷另一高檔品牌法拉利嘅和記行，由8月頭踩行油，家陣累積大升1.7倍，而耀萊同期就跌咗44%。又耀萊呢期急跌，現價0.73元，P/B1.6倍。和記行P/B上到4.2倍，耀萊平咗一大截。又祖國奢侈品市場大好環境，唔使多估，耀萊2012年度純利係咁易增長20%到2.2億銀，預期PE得到9倍單位數。而喺睇得見將來，祖國高檔消費需求繼續釋放，集團繼續肥仔水。呢轉買耀萊，博2012年PE上番12倍，現價講緊要升25%到0.89元。PE水位，唔係貴。