去年開幕的聖淘沙水上樂園AdventureCove，可能唔少人已經去過，不過暑假後又有新朋友加入，就是一班海豚！水上樂園最新園區DolphinIsland，9月30日將正式開幕，樂園從菲律賓帶來超過二十條樽鼻海豚，透過牠們進行研究和保育教育工作。最新推出的親親海豚體驗，大家可以同海豚一齊玩遊戲，同時認識海豚的身體構造和特性，參加者亦可以親手觸摸到海豚滑滑肌膚，看牠們牙齒排列、尾鰭構造，感受氣孔噴氣時的力量，還可以幫海豚搔癢。

接著是海豚表演，訓練員教我們幾個指令手勢後，可以指揮海豚握手、唱歌，還會高速潛行跳出水面，訓練員說大家越落力歡呼打氣，即使在水底海豚都聽到大家的叫喊，海豚才會更開心跳很更起勁，同海豚玩完後，表演得落力當然要獎勵一下啦。

跟可愛的海豚玩過再玩刺激一點，鯊魚池內這個透明缸究竟是甚麽，手無寸鐵的參加者難度要祭旗餵鯊魚？原來是睇餵鯊魚呀！半浮半沉在同一水缸內近距離看鯊魚兇狠食相，水溫只得十多度，真的令人雞皮疙瘩。鯊魚缸內養了200條12不同品種鯊魚，有真鯊、光鱗鯊、虎鯊、雙髻鯊，一到餵飼時間就目露兇光爭相搶吃，近距離確是驚險刺激。