當年今日
關於我們

【自爆愛折磨人】冀搵蘇麗珊幫口獻Sing 林德信認錄音發老脾

蘋果日報 2018/06/04 22:00

林德信鄧小巧蘇麗珊

林德信(Alex)相隔4年再出新歌《愛的理由》,日前佢跟同公司嘅鄧小巧、蘇麗珊齊齊宣傳,林德信仲提議三人大搞crossover合唱。
Alex透露新歌已經寫咗好耐,不過忙住拍戲,一直冇時間做番歌手,佢話:「《愛的理由》14年已經寫好,直到今年有個廣告搵我,佢哋又想要首歌,我即刻話『我有呀』。」
問到佢哋三人會唔會合作?Alex即提議一齊crossover玩合唱,身旁嘅蘇麗珊就笑話:「我唱呀?我之前都有上過唱歌班,不過都想準備得好啲先,有機會都想試嘅。之前幫迪士尼配音有唱過,不過啲歌要好澎湃,幾好玩但好難。」
鄧小巧就讚Alex為自己做埋監製好大膽,因為佢都試過親自監製:「其實好難,唔知自己點先叫唱得好。」Alex都覺得自己監製係好大挑戰:「要對自己好tough,都錄咗好多次。我要做到屬於自己嘅方向,有自己style同路向,《愛的理由》係我嘅第一步。」佢仲話今次嘅經驗令佢提高咗EQ,有信心可以為其他人做監製:「以前同舒文錄音,佢唔會發脾氣,但佢會諗到啲方法玩你,搵啲games去玩,其實有時我都唔想做。有啲導演、監製出名鬧人,但我唔會,原來玩games幾好,我都幾鍾意咁玩。」
平日斯斯文文嘅Alex有冇試過錄音發脾氣?佢就坦承會發自己脾氣,仲話教瑜伽嘅時候會鬧人:「我會鬧人同折磨人,因為我一教瑜伽就好投入同好高要求好嚴,不過都係做戲啫,因為啲學生覺得我好惡先會勤力啲做嘛。」
精選娛聞,喺晒《娛果》
http://fb.com/appledailyent
empty
Alex約埋鄧小巧、蘇麗珊宣傳新歌
empty
鄧小巧、蘇麗珊同公司,方便交流音樂
empty
Alex去到邊都帶住個結他自彈自唱