7歲女童「林林」疑遭疏忽照顧，致腦部永久受損。男被告凌耀忠母親於案件審結前向本報大吐苦水，講述從未拍過拖的「處男」兒子，被女被告王榮汶女色所迷，申請她來港後，便露出貪錢真面目。凌母指一家六口已獲綜援金，王女仍逼患心臟病的兒子外出工作，「我話香港唔得㗎，要坐監㗎，佢仲話邊個話唔得呀。」她形容王女是「毒婦」，「即係……虎惡都不食兒吖。」

採訪：李啟發 龔蕙芝　攝影：周子惇

八旬凌母在青衣公屋寓所受訪，一聽到記者提起王榮汶名字，馬上臉色一沉，形容她「係一個好狼毒嘅女人」。她指曾任職保安員及電器技工的兒子為人戇直，「工作（低）微、讀書少，（一直）唔敢立亂識女仔」，約於2003年，「個仔又傻，跟埋啲同事去汕尾玩，（點知）返到大陸好多（女人）都鍾意佢。」

凌母當時已提醒兒子：「唔好玩女人，個啲女人大多數做髮型，係引誘男人……如果有鞋仔屐仔（子女），就會有手尾跟，後來佢唔出聲。」兒子之後一直隱瞞搭上育有一對孖女的王，「好多年我都唔知，佢放假就話去街。」

2012年10月某日，兒子突然叫她不用煮飯，「佢話今晚有人請食飯，去到荃灣（酒樓）就見到一個細路，四、五歲（被告與王的幼子），仲一個女人坐喺度。」凌母當時還以為該女子是兒子朋友妻子，「爸爸未嚟。」怎料兒子卻問她，知否男童應如何稱呼他，「我話梗係叫你做伯伯啦，佢話唔係呀阿媽，我係佢爸爸。」凌母才知兒子已成家立室。

數日後，兒子更帶同王女及幼子，以及一對孖女共四人，搬來青衣同住。凌母知一對孖女非她親孫女，但都為她們及王女添置衣服及日用品，又送她首飾、戒指和手鐲等作入門禮物。最初一家人關係不錯，但王女很快便露出惡女真面目。

「佢嚟咗個零月就叫我個仔做嘢（返工），我話佢（有心臟病）唔做得嘢架……佢話我姐夫做建築都搵四萬銀。」王女更指「我姐夫呀，搵四萬一個月，佢個女搵四萬銀，八萬銀都個個月可以去攞一萬銀綜援……我話香港唔得架，要坐監架，佢話邊個話唔得呀？」

有一年，政府多發放六千多元綜援金，王女表示兒子生病，自己很窮，威脅要取去多出的綜援金，否則跳樓，結果兒子給她五千多元。王女又常對她張口就罵，「好惡呀，日日都搵我嚟鬧，手指篤篤咁篤到上臉架」，又擅自丟棄她的物品，「一張毯，唔見咗；食食吓飯，將兩對象牙筷子都丟咗我嘅，食咗59年架。」

王女更曾揚言：「公安都叫我做潑婦呀，邊個唔怕左我呀？」王女嫌兒子窮，「佢話我個仔唔做嘢，唔養得起佢，晚晚發爛渣。」有一次凌母傷風，「想食塊餅乾都唔準喺（廳）度食，（要我）入去廁所食，咁得人（驚）……個仔就話阿媽，入廚房食啦。」凌母無奈地說。

之後，王女又要兒子從公屋戶籍除名，跟她搬出以獲政府資助，但遷出後「個仔鎖匙又冇，住冇得住，瞓冇得瞓，食又冇得食。」最終只好返回青衣家住，「（晚上）十一點先捐返嚟沖涼瞓教，聽日又出去，又驚人哋（社署）查。」

凌母認為，兒子性格「傻傻哋、俾人蝦」，王女從沒當過兩母子是家人，「當我哋係仇人。」她認為兒子被女色所迷：「講俾你聽啦，阿仔未見過女人呀……我個仔為咩呢，講到好俗，你知道佢係男人黎，有條魚你食唔食呢，所以咁就俾佢鎖咗。」

她強調，林林出事前未見過她，首次見林林是在醫院，傷勢更令她慘不忍睹，「摸下佢隻手，完全冇肉，個膊頭平架，得一條骨，再摸到大髀，冇肉架，再睇隻腳，兩隻腳指公對兩隻腳指公，一條棍咁，對腳直情冇肉架……（被人）打到個背脊都損晒，唔可以著衫，全部下身都爛晒。」她更形容：「死咗（咁濟）架喇，先拎去醫院……」

現時她跟兒子都有定期去探望林林，林林表面看似長胖了，但其實情況不樂觀，「佢已經唔會郁，咩都唔會，我問醫生究竟有冇得醫，原來個大腦死咗，唔可以食嘢，要搵條膠喉入去肚裡面，好似吊鹽水咁食嘢架咋，所以一路一路咁谷到佢肥嘟嘟囉。」當日在醫院，王女曾向她展示手機片段，可見林林以前很活潑。當時王女反指是「社工搞成個女咁，我心知肚明啦，點會社工打妳個女搞成咁。」

王女來港後跟兒子相處不足半年後即分開，凌母指其目的，只是找兒子當踏腳石來港定居，「我知道妳嘅目的係咩，係踏腳想嚟香港咋嘛，依家達到妳嘅目的，仔又幫妳搵咗學校，女又幫妳搵埋學校。」庭上爆出林林非兒子親生女，凌母指在酒樓時，已問兒子有無為林林及幼子驗血，兒子答有，「咁我咪以為佢真係我個孫。」

她形容，今次情況有如兒子將遇溺的王女「拉番上嚟（申請她來港），點知俾佢拖落海（害兒子被控告）」，指王女將事件賴到兒子身上，兒子因怕王女對凌母不利，才向警方認罪，「如果呢次坐監呢，就陰公喇冤枉喇。」本案更令兩母子十分困擾，近半年都要進食安眠才能入睡。

案件審訊期間，凌耀忠和王榮汶在犯人欄一直沒有交流，形同陌路人。對於惹上官非，或有否後悔，凌僅無奈表示，「早知有今日，就唔會咁啦，呢啲冇得講。」凌每日散庭後，均會到法院外抽煙稍息，然後坐巴士返回青衣公屋。

被問到會否擔心入獄，他回答﹕「冇得擔心，（事件）係天意，我只係想盡快過，無論結果係點，只係想件事快啲過，我真係好攰。」又表示不堪再仔細回想事件，「真係唔想再諗起。」

你敢爆，我敢獎！ 即Call《蘋果》24小時爆相爆片熱線 ：63836568