兩屆格林美得主DanaLeong，噚晚喺麗思卡爾頓酒店，舉行救助兒童會周年籌款晚會，Jocelyn同老公Anthony、湛琪清等等都有出席。

Jocelyn就同埋85歲嘅婆婆一齊嚟，Jocelyn就話婆婆今次係第一次嚟香港，會陪佢兩個月，會一齊去做運動及食嘢，Jocelyn仲話婆婆好鍾意食香港嘅點心。

問到婆婆有冇催生BB，Jocelyn就話有，但就同婆婆講因為兩公婆都要努力做嘢，不過婆婆就答應，如果Jocelyn兩公婆生咗BB，會幫佢哋湊BB。

湛琪清就以大露背打扮，同媽媽一齊現身，雖然好性感，但佢就話好凍。12月1號就係佢嘅26歲生日，佢嘅屋企人都返晒嚟陪佢慶祝。

講到有冇男朋友，佢就話如果有男朋友的話，都要畀佢屋企人過目，而表姐汪詩詩嘅囡囡仲係佢嘅「Boyfriendscanner」。