【本報訊】「保險界元老」謝仕榮，見證過香港保險業8、90年代起飛的黃金歲月，有人覺得那最好的時光已一去不返，但他深信「保險業幾時都可以繼續起飛」，不會停滯於此，作為友邦保險（1299）獨立非執行主席，他指該公司亦會開拓區內更多新市場。
「保險業是否已到頂呢？係咪好難帶動呢？我覺得唔係！保險增長生生不息，唔會到一個階段就停止。」他解釋，舊時年代着重儲蓄保障，現在全球面對老化問題，「講緊長命120歲，市場發展潛力大，做極都做唔會完。」醫療保險、投資產品種種需求上升，產品設計推陳出新，推銷渠道亦隨大勢轉變。
不變的是，亞洲仍是增長引擎，友邦覆蓋的區內市場，已由他加入時的6個增至目前18個，「唔少市場才剛起步，包括越南、印尼，最近入去的柬埔寨，將來亦計劃入緬甸（目前已有代表處）。」
謝仕榮表示，友邦進入每個市場都盡量買入並持有當地物業作總部，既能參與長線投資又可擁有總部大樓，「買磚頭的長期回報理想」。